मानुस हौं तो वही -रसखान

मानुस हौं तो वही -रसखान रसखान की समाधि, महावन, मथुरा कवि रसखान जन्म सन् 1533 से 1558 बीच (लगभग) जन्म स्थान पिहानी, उत्तर प्रदेश मृत्यु प्रामाणिक तथ्य अनुपलब्ध मुख्य रचनाएँ 'सुजान रसखान' और 'प्रेमवाटिका' इन्हें भी देखें कवि सूची, साहित्यकार सूची

रसखान की रचनाएँ खेलत फाग सुहाग भरी -रसखान संकर से सुर जाहिं जपैं -रसखान मोरपखा सिर ऊपर राखिहौं -रसखान आवत है वन ते मनमोहन -रसखान जा दिनतें निरख्यौ नँद-नंदन -रसखान कान्ह भये बस बाँसुरी के -रसखान सोहत है चँदवा सिर मोर को -रसखान प्रान वही जु रहैं रिझि वापर -रसखान फागुन लाग्यौ सखि जब तें -रसखान गावैं गुनी गनिका गन्धर्व -रसखान नैन लख्यो जब कुंजन तैं -रसखान या लकुटी अरु कामरिया -रसखान मोरपखा मुरली बनमाल -रसखान कानन दै अँगुरी रहिहौं -रसखान गोरी बाल थोरी वैस, लाल पै गुलाल मूठि -रसखान कर कानन कुंडल मोरपखा -रसखान सेस गनेस महेस दिनेस -रसखान मानुस हौं तो वही -रसखान बैन वही उनकौ गुन गाइ -रसखान धूरि भरे अति सोहत स्याम जू -रसखान मोहन हो-हो, हो-हो होरी -रसखान

मानुस हौं तो वही रसखान, बसौं मिलि गोकुल गाँव के ग्वारन। जो पसु हौं तो कहा बस मेरो, चरौं नित नंद की धेनु मँझारन॥ पाहन हौं तो वही गिरि को, जो धर्यो कर छत्र पुरंदर कारन। जो खग हौं तो बसेरो करौं मिलि कालिंदीकूल कदम्ब की डारन॥ या लकुटी अरु कामरिया पर, राज तिहूँ पुर को तजि डारौं। आठहुँ सिद्धि, नवों निधि को सुख, नंद की धेनु चराय बिसारौं॥ रसखान कबौं इन आँखिन सों, ब्रज के बन बाग़ तड़ाग निहारौं। कोटिक हू कलधौत के धाम, करील के कुंजन ऊपर वारौं॥ सेस गनेस महेस दिनेस, सुरेसहु जाहि निरंतर गावै। जाहि अनादि अनंत अखण्ड, अछेद अभेद सुबेद बतावैं॥ नारद से सुक व्यास रहे, पचिहारे तू पुनि पार न पावैं। ताहि अहीर की छोहरियाँ, छछिया भरि छाछ पै नाच नचावैं॥ धुरि भरे अति सोहत स्याम जू, तैसी बनी सिर सुंदर चोटी। खेलत खात फिरैं अँगना, पग पैंजनी बाजति, पीरी कछोटी॥ वा छबि को रसखान बिलोकत, वारत काम कला निधि कोटी। काग के भाग बड़े सजनी, हरि हाथ सों लै गयो माखन रोटी॥ कानन दै अँगुरी रहिहौं, जबही मुरली धुनि मंद बजैहै। माहिनि तानन सों रसखान, अटा चड़ि गोधन गैहै पै गैहै॥ टेरी कहाँ सिगरे ब्रजलोगनि, काल्हि कोई कितनो समझैहै। माई री वा मुख की मुसकान, सम्हारि न जैहै, न जैहै, न जैहै॥ मोरपखा मुरली बनमाल, लख्यौ हिय मै हियरा उमह्यो री। ता दिन तें इन बैरिन कों, कहि कौन न बोलकुबोल सह्यो री॥ अब तौ रसखान सनेह लग्यौ, कौउ एक कह्यो कोउ लाख कह्यो री। और सो रंग रह्यो न रह्यो, इक रंग रंगीले सो रंग रह्यो री।

टीका टिप्पणी और संदर्भ संबंधित लेख